اردو ترجمہ

بنی اسد کے ایک صاحب فرماتے ہیں: میں اور میرے اہل و عیال بقیع الغرقد میں اترے — میرے گھر والوں نے مجھ سے کہا: رسول اللہ صلی اللہ تعالیٰ علیہ وآلہ وسلم کی خدمت میں حاضر ہو کر ہمارے لیے کچھ کھانے کا سامان مانگو — وہ اپنی حاجت بیان کرنے لگے — چنانچہ میں حضور نبی اکرم صلی اللہ تعالیٰ علیہ وآلہ وسلم کی بارگاہ میں حاضر ہوا تو وہاں ایک شخص پہلے سے آپ صلی اللہ تعالیٰ علیہ وآلہ وسلم سے سوال کر رہا تھا — اور رسول اللہ صلی اللہ تعالیٰ علیہ وآلہ وسلم ارشاد فرما رہے تھے: میرے پاس کچھ نہیں جو تمہیں دوں — وہ شخص ناراض ہو کر لوٹا اور کہنے لگا: میری عمر کی قسم! آپ جسے چاہیں عطا فرماتے ہیں — رسول اللہ صلی اللہ تعالیٰ علیہ وآلہ وسلم نے ارشاد فرمایا: یہ مجھ پر اس لیے غضبناک ہے کہ میرے پاس دینے کو کچھ نہیں — تم میں سے جو شخص سوال کرے حالانکہ اس کے پاس ایک اوقیہ یا اس کے برابر ہو تو اس نے اِلحاف (ضد) سے سوال کیا — اسدی فرماتے ہیں: میں نے اپنے دل میں کہا: ہماری اونٹنی تو ایک اوقیے سے بہتر ہے — اور اوقیہ چالیس درہم کا ہوتا تھا — میں واپس لوٹ آیا اور آپ صلی اللہ تعالیٰ علیہ وآلہ وسلم سے کچھ نہ مانگا — اس کے بعد رسول اللہ صلی اللہ تعالیٰ علیہ وآلہ وسلم کی خدمت میں جو اور کشمش آئی — آپ صلی اللہ تعالیٰ علیہ وآلہ وسلم نے ہمیں بھی اس میں سے حصہ عطا فرمایا — یہاں تک کہ اللہ تعالیٰ نے ہمیں بے نیاز کر دیا۔ حضرت ابوداؤد رحمۃ اللہ تعالیٰ علیہ نے فرمایا: اسے ثوری نے بھی اسی طرح روایت کیا ہے جیسے مالک نے۔