Urdu Translation

سیدنا ابن عمر رضی اللہ عنہما سے روایت ہے کہ رسول اللہصلی اللہ علیہ وسلمنے فرمایا:”کسی مسلمان کے لیے یہ لائق نہیں کہ وہ بہت زیادہ لعنت کرنے والا ہو۔“سالم کہتے ہیں: میں نے ابن عمر رضی اللہ عنہما کو کبھی کسی چیز پر لعنت کرتے ہوئے نہیں سنا۔اس حدیث کو ائمہ کی ایک جماعت نے کثیر بن زید کے واسطے سے مسنداً بیان کیا ہے، پھر صرف حماد بن زید نے اسے ان سے موقوفاً روایت کیا ہے، رہا شیخین کا معاملہ تو انہوں نے کثیر بن زید سے روایت نہیں لی، وہ مدینہ کے ایک بزرگ ہیں اور ان کی کنیت ابو محمد ہے، میں نہیں جانتا کہ ان کی روایت پر کوئی جرح کی گئی ہو، انہوں نے اسے صرف ان کی احادیث کی قلت کی وجہ سے چھوڑا ہے، واللہ اعلم۔ اس حدیث کے مختلف الفاظ کے ساتھ سیدنا ابوہریرہ، ابودرداء اور سمرہ بن جندب سے شواہد موجود ہیں جن کے ذریعے یہ حدیث شیخین کی شرط پر صحیح ہو جاتی ہے۔[المستدرك على الصحيحين/كتاب الإيمان/حدیث: 147]