Urdu Translation

محمد بن ابی حرملہ نے یسار کے دونوں بیٹوں عطاء اور سلیمان اور حضرت ابوسلمہ بن عبدالرحمان سے روایت کی کہ حضرت اُمّ المؤمنین عائشہ رضی اللہ تعالیٰ عنہا نے کہا : کہ رسول اللہ صلی اللہ تعالیٰ علیہ وآلہ وسلم اپنے گھر میں لیٹے ہوئے تھے ، رانیں یا پنڈلیاں کھولے ہوئے تھے کہ اتنے میں سیدنا حضرت ابوبکر رضی اللہ تعالیٰ عنہ نے اجازت مانگی ، تو آپ صلی اللہ تعالیٰ علیہ وآلہ وسلم نے اسی حالت میں اجازت دے دی اور باتیں کرتے رہے ۔ پھر سیدنا عمر رضی اللہ تعالیٰ عنہ نے اجازت چاہی تو انہیں بھی اسی حالت میں اجازت دے دی اور باتیں کرتے رہے ۔ پھر سیدنا حضرت عثمان رضی اللہ تعالیٰ عنہ نے اجازت چاہی تو رسول اللہ صلی اللہ تعالیٰ علیہ وآلہ وسلم بیٹھ گئے اور کپڑے برابر کر لئے ۔ پھر وہ آئے اور باتیں کیں ۔ ( راوی محمد کہتا ہے کہ میں نہیں کہتا کہ تینوں کا آنا ایک ہی دن ہوا ) جب وہ چلے گئے تو حضرت اُمّ المؤمنین عائشہ صدیقہ رضی اللہ تعالیٰ عنہا نے کہا کہ سیدنا حضرت ابوبکر رضی اللہ تعالیٰ عنہ آئے تو آپ صلی اللہ تعالیٰ علیہ وآلہ وسلم نے کچھ خیال نہ کیا ، پھر سیدنا عمر رضی اللہ تعالیٰ عنہ آئے تو بھی آپ صلی اللہ تعالیٰ علیہ وآلہ وسلم نے کچھ خیال نہ کیا ، پھر سیدنا حضرت عثمان رضی اللہ تعالیٰ عنہ آئے تو آپ صلی اللہ تعالیٰ علیہ وآلہ وسلم بیٹھ گئے اور اپنے کپڑے درست کر لئے ۔ آپ صلی اللہ تعالیٰ علیہ وآلہ وسلم نے ارشاد فرمایا کہ کیا میں اس شخص سےحیا نہ کروں جس سے فرشتے حیاکرتے ہیں؟