Urdu Translation

سیدنا رافع بن خدیج رضی اللہ عنہ نے بیان کیا کہ میں نے عرض کی: یا رسول اللہ! کل ہمارا مقابلہ دشمن سے ہوگا اور ہمارے پاس چھریاں نہیں ہیں؟ آپصلی اللہ علیہ وسلمنے فرمایا:”پھر جلدی کر لو یا (اس کے بجائے)«أَرِنْ»(یعنی جلدی کر لو) جو آلہ خون بہا دے اور ذبیحہ پر اللہ کا نام لیا گیا ہو تو اسے کھاؤ، البتہ دانت اور ناخن نہیں ہونا چاہیے اور اس کی وجہ بھی بتا دوں: دانت تو ہڈی ہے اور ناخن حبشیوں کی چھری ہے“۔ (رافع کہتے ہیں) ہمیں غنیمت میں اونٹ اور بکریاں ملیں، ان میں سے ایک اونٹ بدک کر بھاگ پڑا تو ایک صاحب نے تیر مار کر اسے گرا لیا۔ آپصلی اللہ علیہ وسلمنے فرمایا:”یہ اونٹ بھی بعض اوقات جنگلی جانوروں کی طرح بدکتے ہیں، اس لیے اگر ان میں سے کوئی تمہارے قابو سے باہر ہو جائے تو اس کے ساتھ ایسا ہی کرو“۔[اللؤلؤ والمرجان/كتاب الأضاحي/حدیث: 1285]