Urdu Translation

ہم سے حضرت ابونعیم فضل بن دکین نے بیان کیا، کہا ہم سے شیبان بن عبدالرحمٰن نے یحییٰ بن ابی کثیر رحمۃ اللہ تعالیٰ علیہ سے بیان کیا، انہوں نے عکرمہ رحمۃ اللہ تعالیٰ علیہ سے، یحییٰ نے فرمایا کہ میں نے ان سے سنا یا میں نے ان سے پوچھا تھا۔ عکرمہ رحمۃ اللہ تعالیٰ علیہ نے فرمایا کہ میں نے حضرت ابوہریرہ رضی اللہ تعالیٰ عنہ کو فرماتے سنا کہ میں گواہی دیتا ہوں کہ میں نے رسول اللہ صلی اللہ تعالیٰ علیہ وآلہ وسلم کو یہ ارشاد فرماتے سنا کہ جو شخص ایک کپڑے میں نماز پڑھے تو اسے چاہیے کہ اس کے دونوں کناروں کو مخالف سمت کے کندھوں پر ڈال لے۔