الترجمة الأردية

حضرت ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: 'اس ذات کی قسم جس کے ہاتھ میں میری جان ہے! میں نے ارادہ کیا کہ لکڑیاں اکٹھی کروں، پھر نماز کا حکم دوں اور اذان دلواؤں، پھر کسی کو امام بنا دوں، پھر ان لوگوں کے پاس جاؤں جو نماز (باجماعت) میں نہیں آتے اور ان کے گھر جلا دوں۔ اس ذات کی قسم جس کے ہاتھ میں میری جان ہے! اگر ان میں سے کسی کو معلوم ہو کہ اسے موٹی ہڈی یا دو اچھے کھُر ملیں گے تو ضرور عشاء کی نماز میں حاضر ہو۔'