الترجمة الأردية

حضرت طارق بن شہاب رضی اللہ تعالیٰ عنہ فرماتے ہیں کہ ایک یہودی حضرت عمر بن خطاب رضی اللہ تعالیٰ عنہ کے پاس آیا اور عرض کیا: اے امیرالمؤمنین! تمہاری کتاب میں ایک آیت ہے جو تم پڑھتے ہو، اگر وہ ہم یہودیوں پر نازل ہوتی تو ہم اس دن کو عید بنا لیتے۔ حضرت عمر رضی اللہ تعالیٰ عنہ نے فرمایا: کون سی آیت؟ اس نے کہا: «الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا» (آج میں نے تمہارا دین تمہارے لیے مکمل کر دیا اور تم پر اپنی نعمت پوری کر دی اور تمہارے لیے اسلام کو بطور دین پسند کر لیا)۔ حضرت عمر رضی اللہ تعالیٰ عنہ نے فرمایا: میں اس جگہ کو بھی جانتا ہوں جہاں یہ نازل ہوئی اور اس دن کو بھی جانتا ہوں جس دن نازل ہوئی۔ یہ رسول اللہ صلی اللہ تعالیٰ علیہ وآلہ وسلم پر عرفات میں جمعے کے دن نازل ہوئی تھی۔