الترجمة الأردية

ہمیں یحییٰ بن یحییٰ نے حدیث بیان کی، کہا ہمیں ہشیم نے اسماعیل بن ابی خالد سے خبر دی، انہوں نے قیس سے، انہوں نے حضرت ابو مسعود انصاری رضی اللہ تعالیٰ عنہ سے روایت کی، انہوں نے فرمایا: ایک آدمی رسول اللہ صلی اللہ تعالیٰ علیہ وآلہ وسلم کی خدمت میں حاضر ہوا اور عرض کی: فلاں شخص کی وجہ سے میں صبح کی نماز سے پیچھے رہتا ہوں کیونکہ وہ ہمیں بہت لمبی نماز پڑھاتا ہے۔ حضرت ابو مسعود رضی اللہ تعالیٰ عنہ فرماتے ہیں: میں نے نبی کریم صلی اللہ تعالیٰ علیہ وآلہ وسلم کو کبھی نہیں دیکھا کہ پند و نصیحت کرتے وقت آپ کبھی اس دن سے زیادہ غضب ناک ہوئے ہوں۔ آپ نے ارشاد فرمایا: ''لوگو! تم میں سے بعض (دوسروں کو نماز سے) متنفر کرنے والے ہیں۔ تم میں سے جو بھی لوگوں کی امامت کرائے وہ اختصار سے کام لے کیونکہ اس کے پیچھے بوڑھے، کمزور اور حاجت مند لوگ ہوتے ہیں۔''