الترجمة الأردية

حضرت ابو ہریرہ رضی اللہ تعالیٰ عنہ فرماتے ہیں کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: جب تم میں سے کوئی اپنے بستر پر آئے تو اپنے تہبند کے اندرونی حصے سے بستر جھاڑ لے کیونکہ اسے نہیں معلوم کہ اس کے بعد اس پر کیا آیا ہے۔ پھر کہے: بِاسْمِکَ رَبِّیْ وَضَعْتُ جَنْبِیْ وَبِکَ اَرْفَعُہٗ اِنْ اَمْسَکْتَ نَفْسِیْ فَارْحَمْہَا وَاِنْ اَرْسَلْتَہَا فَاحْفَظْہَا بِمَا تَحْفَظُ بِہٖ عِبَادَکَ الصَّالِحِیْنَ (تیرے نام سے اے میرے رب! میں نے اپنا پہلو رکھا اور تیرے نام سے ہی اٹھاؤں گا۔ اگر تو میری جان روک لے تو اس پر رحم فرما اور اگر چھوڑ دے تو اس کی حفاظت فرما جیسے تو اپنے نیک بندوں کی حفاظت فرماتا ہے)۔ ایک روایت میں ہے: پھر دائیں کروٹ لیٹے پھر کہے: بِاسْمِکَ... ایک اور روایت میں ہے: اپنے کپڑے کے کنارے سے تین مرتبہ جھاڑے۔ اور اِنْ اَمْسَکْتَ نَفْسِیْ فَاغْفِرْ لَہَا (اگر تو میری جان روک لے تو اسے بخش دے)۔ (بخاری و مسلم)