الترجمة الأردية

حضرت اُمّ المؤمنین جویریہ رضی اللہ تعالیٰ عنہا سے روایت ہے کہ نبی کریم صلی اللہ تعالیٰ علیہ وآلہ وسلم صبح کے وقت نمازِ فجر پڑھ کر ان کے پاس سے نکلے اور وہ اپنی جائے نماز میں تھیں۔ پھر چاشت کے بعد واپس تشریف لائے تو وہ ابھی بیٹھی تھیں۔ آپ صلی اللہ تعالیٰ علیہ وآلہ وسلم نے فرمایا: جب سے میں تمہارے پاس سے گیا ہو اسی حالت میں ہو؟ انہوں نے عرض کیا: ہاں۔ نبی کریم صلی اللہ تعالیٰ علیہ وآلہ وسلم نے ارشاد فرمایا: میں نے تمہارے بعد چار کلمے تین مرتبہ کہے ہیں، اگر آج تم نے جو کچھ کہا ہے ان سے تولا جائے تو وہ ان سے بھاری ہوں: سبحان اللہ وبحمدہ عدد خلقہ ورضاء نفسہ وزنۃ عرشہ ومداد کلماتہ (اللہ پاک ہے اپنی حمد کے ساتھ اپنی مخلوقات کی تعداد کے برابر اور اپنی رضا کے مطابق اور اپنے عرش کے وزن کے برابر اور اپنے کلمات کی روشنائی کے برابر)۔ (مسلم)