الترجمة الأردية

سیدنا انس رضی اللہ عنہ نے بیان کیا کہ بطور ہدیہ صحابہ رضی اللہ عنہم اپنے باغ میں سے نبی کریمصلی اللہ علیہ وسلمکے لیے چند کھجور کے درخت مقرر کر دیتے تھے یہاں تک کہ بنو قریظہ اور بنو نضیر کے قبائل فتح ہو گئے (تو رسول اللہصلی اللہ علیہ وسلمنے ان ہدایا کو واپس کر دیا) میرے گھر والوں نے بھی مجھے اس کھجور کو، تمام کی تمام یا اس کا کچھ حصہ لینے کے لیے رسول اللہصلی اللہ علیہ وسلمکی خدمت میں بھیجا۔ آپصلی اللہ علیہ وسلمنے وہ کھجور ام ایمن رضی اللہ عنہا کو دے دی تھی اتنے میں وہ بھی آ گئیں اور کپڑا میری گردن میں ڈال کر کہنے لگیں: قطعاً نہیں، اس ذات کی قسم! جس کے سوا کوئی معبود نہیں یہ پھل تمہیں نہیں ملیں گے یہ حضورصلی اللہ علیہ وسلممجھے عنایت فرما چکے ہیں یا اسی طرح کے الفاظ انہوں نے بیان کیے۔ اس پر حضورصلی اللہ علیہ وسلمنے ان سے فرمایا:”تم مجھ سے اس کے بدلے میں اتنے لے لو (اور ان کا مال انہیں واپس کر دو)“لیکن وہ اب بھی یہی کہے جا رہی تھیں کہ قطعاً نہیں، خدا کی قسم! یہاں تک کہ حضورصلی اللہ علیہ وسلمنے انہیں، سیدنا انس رضی اللہ عنہ نے بیان کیا کہ اس کا دس گنا دینے کا وعدہ فرمایا (پھر انہوں نے مجھے چھوڑا) یا اسی طرح کے الفاظ سیدنا انس رضی اللہ عنہ نے بیان کیے۔[اللؤلؤ والمرجان/كتاب الجهاد/حدیث: 1160]