الترجمة الأردية

حضرت عبداللہ بن عباس رضی اللہ تعالیٰ عنہما فرماتے ہیں کہ جب رسول اللہ صلی اللہ علیہوسلمل اس بیماری میں مبتلا ہوئے جس میں آپ کا وصال ہوئی، اس وقت آپ حضرت اُمّ المؤمنین عائشہ رضی اللہ تعالیٰ عنہا کے گھر میں تھے، آپ صلی اللہ تعالیٰ علیہ وآلہ وسلم نے ارشاد فرمایا: علی ( رضی اللہ تعالیٰ عنہ ) کو بلاؤ حضرت اُمّ المؤمنین عائشہ رضی اللہ تعالیٰ عنہا نے کہا: اللہ کے رسول! کیا ہم حضرت ابوبکر رضی اللہ تعالیٰ عنہ کو بلا دیں؟ آپ صلی اللہعلیہ وسلم نے ارشاد فرمایا: انہیں بلاؤ حفصہ رضی اللہ تعالیٰ عنہا نے کہا: اللہ کے رسول! کیا عمر رضی اللہ تعالیٰ عنہ کو بلا دیں؟ آپ نے فرمایا: بلا دو ، ام الفضل نے کہا: اللہ کے رسول! کیا ہم عباس کو بلا دیں؟ آپ صلی اللہ تعالیٰ علیہ وآلہ وسلم نے ارشاد فرمایا: ہاں جب سب لوگ جمع ہو گئے تو رسول اللہ صلی اللہ تعالیٰ علیہ وآلہ وسلم نے اپنا سر اٹھا کر ان لوگوں کی طرف دیکھا، اور خاموش رہے، عمر رضی اللہ تعالیٰ عنہ نے کہا: رسول اللہ صلی اللہ تعالیٰ علیہ وآلہ وسلم کے پاس سے اٹھ جاؤ ۱؎، پھر حضرت بلال رضی اللہ تعالیٰ عنہ آپ کو نماز کی اطلاع دینے کے لیے آئے تو آپ صلی اللہ تعالیٰ علیہ وآلہ وسلم نے ارشاد فرمایا: حضرت ابوبکر کو حکم دو کہ وہ لوگوں کو نماز پڑھائیں حضرت اُمّ المؤمنین عائشہ رضی اللہ تعالیٰ عنہا نے کہا: اللہ کے رسول! حضرت ابوبکر رضی اللہ تعالیٰ عنہ نرم دل آدمی ہیں، پڑھنے میں ان کی زبان رک جاتی ہے، اور جب آپ کو نہ دیکھیں گے تو رونے لگیں گے، اور لوگ بھی رونا شروع کر دیں گے، لہٰذا اگر آپ عمر رضی اللہ تعالیٰ عنہ کو حکم دیں کہ وہ لوگوں کو نماز پڑھائیں ( تو بہتر ہو ) ، لیکن حضرت ابوبکر رضی اللہ تعالیٰ عنہ نکلے، اور انہوں نے لوگوں کو نماز پڑھائی، پھر رسول اللہ صلی اللہ تعالیٰ علیہ وآلہ وسلم نے اپنی طبیعت میں کچھ ہلکا پن محسوس کیا، تو دو آدمیوں پر ٹیک دے کر تشریف لائے اور آپ صلی اللہ تعالیٰ علیہ وآلہ وسلم کے دونوں پاؤں زمین پر گھسٹ رہے تھے، جب لوگوں نے آپ کو آتے دیکھا تو حضرت ابوبکر رضی اللہ تعالیٰ عنہ کو «سبحان الله» کہا، وہ پیچھے ہٹنے لگے تو نبی اکرم صلی اللہ تعالیٰ علیہ وآلہ وسلم نے ان کو اشارہ کیا کہ اپنی جگہ پر رہو، چنانچہ رسول اللہ صلی اللہ تعالیٰ علیہ وآلہ وسلم تشریف آئے، اور حضرت ابوبکر رضی اللہ تعالیٰ عنہ کے دائیں جانب بیٹھ گئے، اور حضرت ابوبکر رضی اللہ تعالیٰ عنہ کھڑے رہے، حضرت ابوبکر رضی اللہ تعالیٰ عنہ نبی اکرم صلی اللہ تعالیٰ علیہ وآلہ وسلم کی اقتداء کر رہے تھے، اور لوگ حضرت ابوبکر رضی اللہ تعالیٰ عنہ کی اقتداء کر رہے تھے، حضرت عبداللہ بن عباس رضی اللہ تعالیٰ عنہما فرماتے ہیں کہ رسول اللہ صلی اللہ تعالیٰ علیہ وآلہ وسلم نے قراءت وہاں سے شروع کی جہاں تک حضرت ابوبکر رضی اللہ تعالیٰ عنہ پہنچے تھے ۲؎۔ وکیع نے کہا: یہی سنت ہے، راوی نے کہا کہ رسول اللہ صلی اللہ تعالیٰ علیہ وآلہ وسلم کا اسی مرض میں انتقال ہو گیا۔