الترجمة الأردية

حضرت عبدالرحمن بن ابی بکر صدیق رضی اللہ تعالیٰ عنہما سے روایت ہے کہ ہمارے ہاں کچھ مہمان آئے اور میرے والد رات کو رسول اللہ صلی اللہ تعالیٰ علیہ وآلہ وسلم سے بات کر رہے تھے۔ وہ چلے گئے اور فرمایا: اے عبدالرحمن! اپنے مہمانوں سے فارغ ہو جاؤ۔ جب شام ہوئی تو میں ان کا کھانا لایا لیکن انہوں نے انکار کیا اور کہا: جب تک تمہارے والد گھر آ کر ہمارے ساتھ نہ کھائیں (ہم نہیں کھائیں گے)۔ میں نے کہا: وہ سخت مزاج آدمی ہیں، اگر تم نے نہ کھایا تو مجھے ان کی طرف سے تکلیف پہنچنے کا خدشہ ہے۔ لیکن انہوں نے انکار کیا۔ جب وہ آئے تو پوچھا: مہمانوں سے فارغ ہو گئے؟ مہمانوں نے کہا: نہیں، اللہ کی قسم! انہوں نے کہا: کیا میں نے عبدالرحمن سے نہیں کہا تھا؟ اور میں ایک طرف ہٹ گیا۔ انہوں نے کہا: تمہیں قسم دیتا ہوں، اگر تم میری آواز سن رہے ہو تو آ جاؤ! تو میں آیا اور عرض کیا: اللہ کی قسم! میرا کوئی قصور نہیں، یہ آپ کے مہمان ہیں، ان سے پوچھ لیں، میں ان کا کھانا لایا تھا لیکن انہوں نے آپ کے آنے تک کھانے سے انکار کیا۔ انہوں نے کہا: تم ہماری مہمان نوازی کیوں قبول نہیں کرتے؟ پھر ابوبکر رضی اللہ تعالیٰ عنہ نے کہا: اللہ کی قسم! میں آج رات یہ نہیں کھاؤں گا! مہمانوں نے کہا: اللہ کی قسم! ہم بھی نہیں کھائیں گے جب تک آپ نہ کھائیں! انہوں نے فرمایا: آج رات جیسا شر میں نے کبھی نہیں دیکھا۔ پھر فرمایا: پہلا (انکار) شیطان کی طرف سے تھا، اپنا کھانا لاؤ! تو کھانا لایا گیا، انہوں نے بسم اللہ پڑھی اور کھایا، اور مہمانوں نے بھی کھایا۔ جب صبح ہوئی تو وہ نبی کریم صلی اللہ تعالیٰ علیہ وآلہ وسلم کی خدمت میں حاضر ہوئے اور عرض کیا: یا رسول اللہ! انہوں نے (اپنی بات) پوری کی اور میں نے قسم توڑ دی۔ آپ نے ارشاد فرمایا: «بلکہ تم ان سب سے زیادہ نیک اور ان سب سے بہتر ہو۔»