الترجمة الأردية

اُمّ المؤمنین حضرت عائشہ رضی اللہ تعالیٰ عنہا سے روایت ہے کہ ایک رات انہوں نے رسول اللہ صلی اللہ تعالیٰ علیہ وآلہ وسلم کو کھو دیا، تو انہوں نے آپ کو تلاش کیا۔ پھر ان کا ہاتھ آپ کے پاؤں کی تلیوں پر پڑا جبکہ آپ سجدے میں تھے اور آپ کے پاؤں سیدھے تھے، اور آپ فرما رہے تھے: اے اللہ! میں تیری رضا میں تیرے غضب سے پناہ مانگتا ہوں، اور تیری معافی میں تیرے عذاب سے پناہ مانگتا ہوں، اور میں تجھ میں تجھ سے پناہ مانگتا ہوں۔ میں تیری تعریف کا شمار نہیں کر سکتا۔ تو ویسا ہی ہے جیسا تو نے اپنی تعریف کی ہے۔