الترجمة الأردية

ہم سے مالک بن اسماعیل نے بیان کیا، کہا ہم سے زہیر نے بیان کیا، اس سے ہشام بن عروہ نے، ان سے ان کے والد نے اور ان سے حضرت اُمّ المؤمنین عائشہ رضی اللہ تعالیٰ عنہا نے کہ سودہ بنت زمعہ نے اپنی باری حضرت اُمّ المؤمنین عائشہ رضی اللہ تعالیٰ عنہا کو دے دی تھی اور رسول اللہ صلی اللہ تعالیٰ علیہ وآلہ وسلم حضرت اُمّ المؤمنین عائشہ رضی اللہ تعالیٰ عنہا کے یہاں خود ان کی باری کے دن اور سودہ رضی اللہ تعالیٰ عنہا کی باری کے دن رہتے تھے۔