الترجمة الأردية

مجھ سے عمر بن محمد بن حسن نے بیان کیا، کہا ہم سے ہمارے والد نے بیان کیا، کہا ہم سے حفص نے بیان کیا، ان سے ہشام نے ان سے ان کے والد نے اور ان سے حضرت اُمّ المؤمنین عائشہ رضی اللہ تعالیٰ عنہا نے بیان کیا کہ رسول اللہ صلی اللہ تعالیٰ علیہ وآلہ وسلم کی تمام بیویوں میں جتنی غیرت مجھے حضرت اُمّ المؤمنین خدیجہ رضی اللہ تعالیٰ عنہا سے آتی تھی اتنی کسی اور سے نہیں آتی تھی حالانکہ انہیں میں نے دیکھا بھی نہیں تھا، لیکن نبی کریم صلی اللہ تعالیٰ علیہ وآلہ وسلم ان کا ذکر بکثرت فرمایا کرتے تھے اور اگر کوئی بکری ذبح کرتے تو اس کے ٹکڑے ٹکڑے کر کے حضرت اُمّ المؤمنین خدیجہ رضی اللہ تعالیٰ عنہا کی ملنے والیوں کو بھیجتے تھے۔ میں نے اکثر نبی کریم صلی اللہ تعالیٰ علیہ وآلہ وسلم سے کہا جیسے دنیا میں حضرت اُمّ المؤمنین خدیجہ رضی اللہ تعالیٰ عنہا کے سوا کوئی عورت ہے ہی نہیں! اس پر آپ صلی اللہ تعالیٰ علیہ وآلہ وسلم فرماتے کہ وہ ایسی تھیں اور ایسی تھیں اور ان سے میرے اولاد ہے۔