الترجمة الأردية

ہم سے حفص بن عمر نے بیان کیا، کہا کہ ہم سے شعبہ نے محمد بن حضرت عثمان بن عبداللہ بن موہب سے بیان کیا، ان سے موسیٰ بن حضرت طلحہ نے اور ان سے حضرت ابوایوب رضی اللہ تعالیٰ عنہ نے کہ ایک شخص نے نبی کریم صلی اللہ تعالیٰ علیہ وآلہ وسلم سے عرض کیا کہ آپ مجھے کوئی ایسا عمل بتائیے جو مجھے جنت میں لے جائے۔ اس پر لوگوں نے کہا کہ آخر یہ کیا چاہتا ہے۔ لیکن نبی کریم صلی اللہ تعالیٰ علیہ وآلہ وسلم نے ارشاد فرمایا کہ یہ تو بہت اہم ضرورت ہے۔ (سنو) اللہ کی عبادت کرو اور اس کا کوئی شریک نہ ٹھہراؤ۔ نماز قائم کرو۔ زکوٰۃ دو اور صلہ رحمی کرو۔ اور بہز نے کہا کہ ہم سے شعبہ نے بیان کیا کہ ہم سے محمد بن حضرت عثمان اور ان کے والد حضرت عثمان بن عبداللہ نے بیان کیا کہ ان دونوں صاحبان نے موسیٰ بن حضرت طلحہ سے سنا اور انہوں نے حضرت ابوایوب رضی اللہ تعالیٰ عنہ سے اسی حدیث کی طرح (سنا)۔ ابوعبداللہ (امام بخاری رحمۃ اللہ تعالیٰ علیہ) نے فرمایا کہ مجھے ڈر ہے کہ محمد سے روایت غیر محفوظ ہے اور روایت عمرو بن حضرت عثمان سے (محفوظ ہے)۔