الترجمة الأردية

ہم سے عبداللہ بن یوسف نے بیان کیا، کہا ہم سے لیث بن سعد نے بیان کیا، مجھ سے یزید بن ابی حبیب نے بیان کیا، ان سے ابوالخیر یزید بن عبداللہ نے اور ان سے حضرت عقبہ بن عامر رضی اللہ تعالیٰ عنہ نے روایت کیا کہ نبی کریم صلی اللہ تعالیٰ علیہ وآلہ وسلم ایک دن باہر تشریف لائے اور احد کے شہداء پر اس طرح نماز ادا فرمائی جیسے میت پر پڑھی جاتی ہے۔ پھر منبر کی طرف تشریف لائے اور ارشاد فرمایا: بیشک میں تم سے پہلے جا کر تمہارے لیے (حوض کوثر پر) پیش رو بنوں گا اور میں تم پر گواہ رہوں گا۔ اللہ کی قسم! میں اس وقت اپنا حوض (کوثر) دیکھ رہا ہوں۔ اور مجھے زمین کے خزانوں کی کنجیاں (یا فرمایا: زمین کی کنجیاں) عطا کی گئی ہیں۔ اللہ کی قسم! مجھے تمہارے بارے میں یہ خوف نہیں کہ تم میرے بعد شرک کرو گے، بلکہ مجھے یہ اندیشہ ہے کہ تم دنیا کی طلب میں ایک دوسرے سے مقابلہ کرو گے۔