الترجمة الأردية

ہم سے اسماعیل بن ابی اویس نے بیان کیا، کہا مجھ سے امام مالک رحمۃ اللہ تعالیٰ علیہ نے بیان کیا، ان سے ہشام بن عروہ نے، ان سے ان کے والد نے اور ان سے حضرت اُمّ المؤمنین عائشہ صدیقہ رضی اللہ تعالیٰ عنہا نے روایت کیا کہ جب نبی کریم صلی اللہ تعالیٰ علیہ وآلہ وسلم بیمار ہوئے تو آپ صلی اللہ تعالیٰ علیہ وآلہ وسلم کی بعض ازواج مطہرات نے ایک گرجا گھر کا تذکرہ فرمایا جو انہوں نے حبشہ کی سرزمین میں دیکھا تھا، جس کا نام ماریہ تھا۔ حضرت اُمّ المؤمنین ام سلمہ اور حضرت اُمّ المؤمنین ام حبیبہ رضی اللہ تعالیٰ عنہما دونوں حبشہ تشریف لے گئی تھیں۔ انہوں نے اس کی خوبصورتی اور اس میں موجود تصاویر کا ذکر فرمایا۔ آپ صلی اللہ تعالیٰ علیہ وآلہ وسلم نے سر مبارک اٹھا کر ارشاد فرمایا: وہ لوگ ایسے ہیں کہ جب ان میں کوئی نیک آدمی فوت ہو جاتا تو اس کی قبر پر عبادت گاہ بنا لیتے، پھر اس میں اس کی تصویریں رکھتے۔ یہ لوگ اللہ تعالیٰ کے نزدیک بدترین مخلوق ہیں۔