الترجمة الأردية

ہمیں محمد بن عبداللہ حافظ نے بیان کیا، انہیں ابو الولید فقیہ نے بیان کیا، انہیں حسن بن سفیان نے بیان کیا، انہیں محمد بن مرزوق نے بیان کیا، انہیں علاء بن فضل بن عبداللہ نے بیان کیا، انہیں ہیثم بن رُزیق نے بیان کیا اپنے والد سے، وہ اَسلَع بن شریک سے، کہا: میں رسول اللہ صلی اللہ تعالیٰ علیہ وآلہ وسلم کی اونٹنی پر زین کسا کرتا تھا، ایک سرد رات میں مجھے جنابت ہو گئی اور رسول اللہ صلی اللہ تعالیٰ علیہ وآلہ وسلم کو سواری چاہیے تھی، تو میں نے ناپسند کیا کہ جنابت کی حالت میں آپ صلی اللہ تعالیٰ علیہ وآلہ وسلم کی اونٹنی پر زین کسوں، اور مجھے یہ خوف بھی تھا کہ اگر میں ٹھنڈے پانی سے غسل کروں تو مر جاؤں گا۔ پھر باقی حدیث ذکر کی، کہا: پھر میں نے پتھر رکھے اور ان سے پانی گرم کیا اور غسل کیا، پھر رسول اللہ صلی اللہ تعالیٰ علیہ وآلہ وسلم کے پاس پہنچا تو آپ صلی اللہ تعالیٰ علیہ وآلہ وسلم نے فرمایا: اے اسلع! کیا بات ہے کہ میں دیکھ رہا ہوں تمہاری سواری بے چین ہے؟ میں نے عرض کیا: یا رسول اللہ! میں نے اس پر زین نہیں کسا تھا۔ اور باقی حدیث بیان کی یہاں تک کہ کہا: میں نے عرض کیا کہ میں نے پانی گرم کیا اور غسل کر لیا۔