الترجمة الأردية

حضین بن منذر رقاشی ابوساسان کہتے ہیں کہ میں حضرت عثمان بن عفان رضی اللہ تعالیٰ عنہ کے پاس موجود تھا کہ ولید بن عقبہ کو ان کے پاس لایا گیا، اور حمران اور ایک اور شخص نے اس کے خلاف گواہی دی، ان میں سے ایک نے گواہی دی کہ اس نے شراب پی ہے، اور دوسرے نے گواہی دی کہ میں نے اسے ( شراب ) قے کرتے دیکھا ہے، تو حضرت عثمان نے کہا: جب تک پیئے گا نہیں قے نہیں کر سکتا، پھر انہوں نے علی المرتضیٰ کرّم اللہ تعالیٰ وجہہ الکریم سے کہا: تم اس پر حد قائم کرو، تو علی نے حسن رضی اللہ تعالیٰ عنہ سے کہا: تم اس پر حد قائم کرو، تو حسن نے کہا: جو خلافت کی آسانیوں اور خیرات کا ذمہ دار رہا ہے وہی اس کی سختیوں اور برائیوں کا بھی ذمہ دار ہے، پھر علی المرتضیٰ کرّم اللہ تعالیٰ وجہہ الکریم نے عبداللہ بن جعفر سے کہا: تم اس پر حد قائم کرو، تو انہوں نے کوڑا لے کر اسے مارنا شروع کیا، اور علی المرتضیٰ کرّم اللہ تعالیٰ وجہہ الکریم گننے لگے، تو جب چالیس کوڑے ہوئے تو علی المرتضیٰ کرّم اللہ تعالیٰ وجہہ الکریم نے کہا: بس کافی ہے، اس لیے کہ رسول اللہ صلی اللہ تعالیٰ علیہ وآلہ وسلم نے چالیس کوڑے ہی مارے ہیں، اور میرا خیال ہے انہوں نے یہ بھی کہا کہ حضرت ابوبکر رضی اللہ تعالیٰ عنہ نے بھی چالیس کوڑے مارے ہیں، اور عمر رضی اللہ تعالیٰ عنہ نے اسی، اور سب سنت ہے، اور یہ چالیس کوڑے مجھے زیادہ پسند ہیں۔